Tuesday, 17 November 2015

ريفيو: مجموعة بودي شوب سبا الجديدة للجسم /review/the body shop spaof the world





ذا بودي شوب 
.
.
مجموعة جديده تهتم بجمال جسد المرأءة من مختلف انحاء العالم ..
.
طوروا من شكل الباكجينق سار شكلها حلو، و مو بس الشكل الروائح توديكي لعالم ثاني ، ريحتهم تعطيكي شعور قوي قووي بالإسترخاء والانتعاش و السعاده 
مقسمه لأكثر من مجموعه تمشي عليها على حسب الالوان فيه الازرق ، الموف ، الاصفر ، البنكي
.
خلاص و ارتحنا و سار السبا في البيت حبيتهم بشكل ادمنتهم ابهروني .. بلا مبالغه بس الي تحب جسمها يرجع زي الاطفال و تنبسط بنعومه و تبا تدلع نفسها لا تحرمي نفسك من مجموعة بودي شوب الجديده شي خيالي وكلها طبيعيه و يستفيد الجسم منها .. 
راح اتكلم عن كل منتج بالتفصيل و ان شاءالله اعطيه حقو .. شكرا بودي شوب على المنتجات الاكثر من رائعة و تستحق الإقتناء .. 



اول منتج ببدأ فيه ، المقشر بأملاح البحر الميت الغني بكريم مرطب .
.
اول مره في الحياه تقددري تعملي تقشير قوي و تقدري تخرجي و ما تحتاجي تحطي بعدو كريم .. غني غني بكريم و زيوت ما تروح مع المويه و جسمك يتقشر مزبوط بأملاح البحر الميت الي فيها فوائد مره كثير و معادن يستفيد الجسم منها و الأحلى انها ما تذوب بسرعه ويجلس معاكي الترطيب، النعومه بوقتها تحسي فيهاا ، وريحتو جميله انتعاااااش 
حجمو كبير  يكفيكي و يجلس معاكي فترة طويله انصحكم فيه مره حبيتووو

.
سعرو بـ ١١٥ ريال




ثاني منتج بتكلم فيه ، مقشر برضو، مستخلص من شجرة الكزيمنيا الموجوده في افريقيا  .
.
الترطيب فيه عالي جدا والحبيبات بتكون صغيره و ناعمه على البشره احس للبشرتها تتحسس من التقشير القوي دا راح ينفعها خفيف و الترطيب عالي جدا بيعطيكي نعومه و لمعان بوقتها

.
سعرو بـ ١١٥ ريال



كريم زهرة الكاميليا اليابانيه  .
.
كريم قوامو ثقيل اشبه بالزبده يرطب بشرتك بقوه و ريحتو تجننن عشقتهااا 
الي عجبني فيه انو حسيت صح معطر بس مو التعطير القوي الي يأذي البشرات الحساسه فحبيت الشي دا فيه ، لانو مرات تواجهنا مشكله لو كنتي مجروحه يلتهب معاكي بعد التقشير لو حطيتي كريم بتعطير قوي كمان يزيد المشكله ، فدا الكريم العطر حقو موزون  دا الي لاحظته و شدني فيه 💕

.
سعرو بـ 129 ريال




كريم كوكوي من الهاواي .
.
كريم قوامو كريميه ناعمه اخف من كريم زهرة الكاميليا من ناحيه القوام ، لمن تحطيه يبقى على البشره و يظل ترتطبيو ما يروح بسرعه ، يغذي البشرة و من ناحية التعطير نفس الاحساس الي حسيتو في الكريم الي قبل ، انو العطر مو بديك القوه الي تأذيكي ، فيه توازن جميل 
بودي سوب بدعو في دي المجموعة كل كريم صراحه مفيييد من جد لازم كل وحده تجربها و لا تضيعهااا 
.
سعرو بـ 129 ريال





هذا الاختراع الجميل 
عجلة يدويه لمساج الوجه و الرقبه  .
.
مره تحمس حسيت انو شي جديد ولازم يتجرب ،هوا عباره عن عجلتين تتحرك معاكي ، تعملي بيها مساج على وجهك و رقبتك طبعا للمستقبل يقلل من ظهور الشيخوخه و يحفز الكولاجين ببشرتك ، و كمان يزيد من استفادة البشرة للزيت او السيروم الي حطيتي لبشرتك ، غير شعورك بالاسترخاء حكاية تانيه يستحق التجربه صراحه 

ريفيو : قطرة انقلوت لتثبيت و توضيح و اعادة بناء المكياج




قطرة انقلوت 
.
.
قطرة زيتيه  تحطيها على الجل لاينر لو نشف معاكي او على جل الحواجب . 
تحطي كمان قطره على المسكره الي نشفت ترجعها جديده ، الشدو لونو مو واضح ، تخليه اوضح واثقل و خصوصا كمان الشدو اللمعه تخليه اوضح و بثبات عالي  .
طريقة الاستعمال للجل : 
انك تحطي قطرة على جمب و تحطي شويه في الفرشه و تاخدي من الجل و حسيسير يمشي معاكي .  سعرها بحدود الـ ٦٠ ريال . 
انتبهو انا حقتي حطيتها بشنطة مكياجي و انكبت عليا يعني انتبهي علبتها مو مره عمليه و دا عيب اكيد

ريفيو : إضاءة بيكا Becca



إضاءة من بيكا 
Becca
.
.
باين لونها رايح على بنك بس مو مره يبين انها بنكيه تجيكي كدا قلتر يلمع قوي ,  اخذتها و انا متحمسه انها تكون شي قووي ، بس خذلتني ، ثباتها جدا قليل يعني اول ما تحطيها واو إضاءه راقيه و باينه حلوه بس بوقتها بعدين احس تختفي , حبيتها للتصوير  يطلع شكلها يجنننن لمعه راااقيه مره . بس عيبها ثباتها مو قد كدا بس تنحل دي المشكلة بأنو قبلها ضروري لمعة سائلة بعدين هيا فوقها بس بيكون صعب شوية في الدمج خصوصا على المبتدئين ممكن يكتل معاكي فعشان كدا خذلتني 

ريفيو: كحل بيج من نيكس NYX



كحل بيج لداخل العين
من نيكس
.
.
مرره حلو ينحط معاكي من اول مره لونو بيج بنكي جدا طبيعي و ابدا ما يطلع شكلو اوڤر لو حطيتي مية طبقه يفضل شكلو طبيعي .

ثباتو متوسط وفيه منو درجات مختلفه 

ريفيو: عطر شانيل للشعر Coco mademoiselle



عطر شانيل للشعر 
 Coco mademoiselle 
.
ريحتو حلوه تبخيه على الشعر المبلول امم ريحتو مهي ثابته ، ما تجلس وقت طويل يعني تبخيه و تستمتعي بوقتها . بس عادي احب اعطر شعري منو.. و كمان ابخ عليه و هوا ناشف حلو برضو ..

نصيحة مهمة عن البيوتي بليندر



My new Beauty Blender 
.
بنات نصيحتي لكم 
.
كل ما تعدي ٣ شهور غيري البيوتي بليندر حقك لأنو راح تطلعلك حبوب من وراها و اهتمي بيها و غسليها بالصابونه الخاصه بيها ، شفت اخر مره في سيفورا بيوتي بليندر مع صابونه صغيره  سعرها بيكون اغلى شويه . 
عموما لا تجلس عندك وقت طويل مره مو كويس لانها تجمع جراثيم و بكتيريا فأنتبهوا 💕.

وكمان يفضل انك بعد كل استعمال تغسليها مره كويس و تسيبها تنشف في مكان مفتوح تتهوى كويس ، انتبهي وغيري نظام انك تبلبليها و تستعمليها و ترميها في شنطة المكياج و تقفليها خطيير مره و كمان لا تدخليها في درج و تقفلي عليه من جدد نصيحه سيبيها في مكان مفتوح تنشف و هيا نضيفه 

نصيحه لتعقيم فرش المكياج بشكل بسيط و سريع ومفيد



المسحه الطبية المتعارف عليها دا زيها ولكن على شكل بخاخ كحول ، تستعمليه بعد ما تنضفي فرش المكياج ،' بخي عليها . و لو بتستعمليها و الفرشه فيها ميك اب بخي عليها و امسحي الفرشه بالمنديل كووويس و استخدميها تعقملك الفرشه ، لو فيه مكياج مفتوح بخي على القطنه و امسحيه من فوق ضروري نهتم في دي الامور لو نبغى نحط مكياج و ما نبا وجهنا ينعدم من الجراثيم و البكتيريا و انتبهي على فرشك لحد يستعملها غيرك ، انك تستعملي الفرشه لكي و لغيرك حيسبب دماااار لبشرتك نصيحه خلي فرشك لحالك و لو في احد استعملها غسليها و عقميها مزبوط و كوني منتبهه دي المواضيع الصغيره لو ما انتبهنا عليها بعد مرور الوقت حتدهور البشرة 
.
.
البخاخ اخدتو من الصيدليه سعرو ٢٠ ريال

ريفيو:بنانا باودر من بن ناي /review:Ben Nay Luxury Powder Banana



Ben Nay Luxury Powder Banana
.
بودرة بن ناي بنانا
.
عبارة عن لوس باودر يعني بودرة منثورة تنحط تحت العين بعد الكونسيلر عشان تثبتو و ما تخليه يخطط ولا يقلب على رمادي . .
للتصوير بيعملك اضاءة حلوه تحت عينك بس لو جاه عليكي الفلاش بيصير واااضح كدا ينور بزياده 😣! بعني لازم اضاءه كويسه عليكي و بيطلع حلو . .
مرات احس لمن احطها و الكونسيلر لسى ما نشف تقلب اصفر بزياده فعشان ما اواجه المشكله دي أفضل اني احط بودره فاتحه اول بعدين استخدمها كإضاءة . .
دي الفترة مع الحر في الصبح سرت احطها على كامل وجهي عشان تثبتلي الاساس و لازم بعدها فكس بلس عشان الشكل البودري يروح . .
تحطيها بكمية كبيره تحت عينك و تعملي الشدو لو طاح منو يسير عليها و بفرشة المروحه تشيلي الزوايد و الشدو المنثور بدون ما يبقع .

ريفيو:بلاشر هوت ماما من ذا بالم review:Hot MaMa blusher from TheBalm



Hot MaMa blusher from TheBalm .

بلاشر هوت ماما من ذا بالم  

البلاشر لونو جميل بنكي و فيه لمعه ذهبيه مره حلوه مهي اوڤر تعطي اضاءة للخد ديوي لوك ،ثباتها مو مره بس انا احب احطها فوق البلشر الكريمي لتثبيتو و يخليها تجلس وقت اطول .

ريفيو: ميت مات نود من ذا بالم/review:Meet Matte Nude from TheBalm


ريفيو: بيبانثين كريم طبي للترطيب وعلاج الجلد/review:Bepanthen cream



Bepanthen cream 
بيبانثين كريم طبي للترطيب وعلاج الجلد 
.
.
دا الكريم غير في وجهي كثير من جد ترطيب عاالي جدا .. .
تدهني على وجهك تجلسي شويتين عبال ينسحب و يتغلغل ببشرتك و بنفس الوقت وجهك تحسي فيه كمية ترطيب وبتلاحظي وجهك يسير مره ناعم استمري عليه و بتحسي بدا الاحساس جدا خفييف بس مفعوله قوي .
.
استعمالو يشمل اليد و الكوع او اي منطقة فيها جفاف حاد و ولو صارلك حروق من الشمس او من ليزر او بتتعالجي بحاجه بتجففلك بشرتك لو صارلك احمرار تستعمليه و يعالجلك المنطقه المتهيجة مع الترطيب . .
سعره بي ١٢ ريال سعرو كويس بس احس كميتو تخلص بسرعه لانو استخدمو مرتين في اليوم فخلال مده بسيطه استعملت علبتين فأحس ما يجلس ! بسرعه يخلص . بس صراحه منتج قوي قوي للترطيب فعال بشكلل انصحكم فييه مره 👍🏼.

ريفيو: غسول بايوديرما للبشرة الدهنية /review:Biodirma sebuim gelmoussant




Biodirma sebuim gel moussant

غسول بايوديرما للبشرة الدهنية
.
.
هذا الغسول للي بشراتهم دهنيه انطباعي عنو ينشف الوجه يعني يشيل دهون الوجه الرغوه حقتو قليله مره ما كأنو فيه رغوه لازم تفركي من قلب عشان تطلع معاكي الرغوه ، لو منتي حاطه مكياج ما راح يمسحو لكي بس يعني ينشف الوجه 
الفرشه الصغيره دي استعملها بشكل يومي من
 سيفورا *بس ما ادري اذا تتوفر بسيفورا السعوديه *مع الغسول احس تنضفلي اذا فيه بقايا ميك اب و بدل ما استعمل الكليراسونيك بشكل يومي لانها قويه استعمل دي الفرشه في انواع و بدائل فيه من بودي شوب فرشه يدويه بشكل يومي المدح عليها كثير .
.
الغسول سعره ١٠٨ ريال

ريفيو: مسكرة الحواجب للتفتيح من ماك / review: mac mascara beguile



Mac Mascara Beguile

مسكرة التفتيح من ماك 
.
حقيقي مكياجي من غيرها احسو ناقص يعني تعطي شكل للحواجب و تبرز شعره شعره و تكثفلك هيا افضل انو تستخدمي جيل او البودرة تكون غامقه شويه و تفتحي حواجبك بالمسكره عشان لا تسير فاتحه مره و تخفف من ملامحك . .
.
مهما يكون الحواجب لازم تكون اغمق من الشعر بكم درجة لانها ترسم ملامح الوجه .
.
.
نرجع للمسكره احب اوضح تفاصيل حواجبي بيها لونها مره باين يعني تفتح من حواجبك كثير عشان كدا اقولك خلي الطبقة الاولى تكون غامقه ، الكمية كويسه تجلس معاكي ، الفرشه جدا جيده تفرقلك الشعر و تتحكمي بيها بسهووله . .
دي الدرجه الوحيده الي جربتها و انصح فيها اكيييد ✨💕 سعرها ٩٥ ريال او ١٠٠ ريال .

تجربتي مع حبوب زيراكتان مع مستشفى بخش







مستشفى بخش  X

عدم احترام للمواعيد .. صرااحه معد برجعلهم ثاني شي مو طبيعي لطعو اهلي لين قالو بسس ، اول ما جيتهم بعدد شهر قلي عندك موعد مجاني و كدا وجيت الموعد اكتشف اول صدمه انو الدكتور ماخد اجازة مرضيه ؟ طيب انا جالسه اخد دوا ما بينفع اوقفو ايش الحل ؟ سألت السكرتيره الي اساسا مهي عارفه ولاهي فاهمه شي ! قلتلها افيدنيييي ؟؟؟؟؟ انا ايش اسوي الدكتور جاي بعد اسبوع ! و انا دوا روكتان ما اقدر اوقفو دخليني عند دكتور ثاني متاح قالتلي فيه موجوده دكتوره احلام قلتلها طيب عادي  قالت بس تدفعي من اول و جديد استشارة جديده ؟؟ قلتلها ليش انا دافعه لدكتور و الدكتور مهو موجود دي  مسؤليتكم ! قالت ما بيدي غير اني احجزلك موعد تاني معاه قلتلها يلا اقرب موعد جاي بعد اسبوع بالله اول يوم؟ قالت معليش اسبوعين قدام حجوزات فل ؟ والله شي يضحك قلتلها اوكي احجزيلي و نزلت للصيدلي الله يعطيه العافيه صرفلي نص الجرعه قلي نظام الدكتور كدا تاني شهر نص الجرعه تالت شهر يوم ايوه و يوم لأ و حطو ف بالكم روكتان و محد فكر يعملي تحاليل ولا جابو سيرة تحاليل ما علينا ، عدت الايام و جاه موعديي اروح ايش يقولولي موعدك المجاني راح عليكييي كان المفروض بعدها بشهر تماما تجي ؟ قلت جيت و الدكتور عندو اجازة مرضيه نزلت للعلاقات المرضى الي المفروض يكون تعاملهم من ارقى التعاملات مع المرضى و اهم شي يكون عندهم المريضضض !!!! يقولي المفروض السكرتيره تدخلك من وقتها عند اي دكتور (مجاني) قلتلو والله هيا قالت لازم رسوم من اول و جديد قلي لا دا غلط ! قلت طيب ايش اسوي يعني اعلمها شغلها ؟؟؟ و ايش الحل ؟؟؟؟ قام قلي عاد الله يعوضك ؟؟؟ !!!!!مستوعبيييييين يقولي الله يعوضك خلاص  و دا سيستم ما بيدي شي ؟ المهم ما ناقشتو ولا تعبت نفسي بس ما اقول غير حسبي الله ونعم الوكيل تجربة فاشله فاشله و اساسا خيره خلاص .. نصيحتي ابتعدوا عن دي المستشفى . 

Saturday, 7 November 2015

حبوب الزيراكتان لعلاج حبوب الشباب


بنات قبل يومين بشرتي فجأة زادت حبوبها بشكل مخيف ، الحبوب الكبيره الي يكون جوتها شي ابيض و كدا وجهي ملتهب كلو حمار شي يخووف ،  و بس ابكي و كآبه على وجهي انو ايش فيه فجاه صح كانت في حبوب بس دحين بزياددده عشان الله يهديني في وقت قصير جلست استخدم اكثر من منتج للبشره زيت شجرة الشاي و ديفرين وسويت ليزر فراكشنال ممكن كل دا بشهر وجهي ما اتحمل ، 
.
.
رحت لدكتور عباs الشيخ في مستشفى بخش اخدت موعد قالولي بعد شهر ؟ و انا وجهي ملتهب ومو متحمل شهر !!!! قالتلي تعالي و اجلسي انتظار و فعلن رحت مررره بدري و حاطين ورقه و كتبت اسمي فيها اول شي و دخلت للدكتور اول شي ، مدحولي في الدكتور كثيير انو مره شاطر و فاهم ما اخد منو ٥ دقايق شاف وجهي و كتبلي دي الادويه الكشفيه بي ٣٠٠ ريال✨ 
.
.
صابونة نيتروجينا قلي اغسل بيها وجهي ٣ مرات في اليوم راح تنننشف وجهي مره و بعدها احط من الكريم المرطب #بيبانثين ✨ وقلي انو احط الكريم في يدي و كدا ادعكوا في يدي و بعدها ادهنو على وجهي كأني بغسلو فهمتو كيف ؟ قلي لا تحطيها نقط على وجهك و تطبطبي لا زي ما شرحتلكم . 
.
.
و اعطاني حبوب #زيراكتان قلي مره راح تنشف وجهك و شفايفك واضبي على الترطيب . 

الصابونه ب ٢١ ريال 
الكريم المرطب ب ١٢ ريال 
الحبوب ب ١٣٢ 
.
.
انطباعي 
.
دحين ليا ٦ ايام وجهي الحمددالله رجع طبيعي هجد هجد بشكل , الالتهاب مره خف الحمدالله قلي بتطلعلك حبوب مدفونه مع الدوا لمن الان في جبهتي اول يومين طلعت حبوب صغيرا و راحت بس الين دحين عادي ، طبعا قلي اوقف كل شي كنت استخدموا لبشرتي ! اي شي يكون فيه عطور بزياده ببتعد عنها . 
.
.
اذا وحده اتعاملت مع دي الحبوب ولا الدكتور تكتبلي تجربتها 
.
وبفيدكم بالتطورات .. 




ريفيو : كريم الاساس ستار من ديور / review:Diorakin Star Foundation Dior



Diorakin Star Foundation 
Dior
كريم_الاساس ستار من ديور 
.
.
مرره جميل يناسب البشرات الدهنيه وبنفس الوقت مهو مات يعطي وجهك حياه بشكل و حيويه *الديوي لوك* ثباتو متوسط/عالي يعني من ٦ الى ٨ساعات يعطي وجهك اشراق 
.
حماية من الشمس ٣٠٪ بس ما يضر بالتصوير بالعكس يطلع وجهك صافي و حيوي . .
بعكس الإضاءة الي حوالينك في وجهك فبكذا يسير فيه نور . .
الشكل عام للمنتج جميل و ضغاط سهل الاستعمال و تقدري تتحكمي بالكمية تبغيه خفيف طبقه وحده تبي تثقليه زيدي عليه طبقه . .سعره بي 245 ريال 
انصح فيه 

ريفيو : اضاءات ذا بالم (ماري لو،بيتي لو،سيندي لو)/review: Mary_LouBetty_lou Cindy_lou



Mary_Lou Betty_lou Cindy_lou 


ماري_لو العششق اطلق إضاءة عندي من جد واشوفها تناسب البيضه و السمرا
بيتي_لو إضاءة برونزيه استعمالها يكون فوق الكنتور الغامق يعطيه حياه بدل ما يكون مات

سيندي_لو إضاءة بنك ، احس حلو تنحط فوق البلشر البنكي المات ، حلوه على البشرات البيضه
.
.
وجهة نظري ماري لو ما استغنى عنها البست اما الباقين عادي , مهي متوفرة عندنا لكن التاجرات يفروها سعرها تقريبا ١٣٠ريال .


انستازيا كونتور كيت /anastasia Contour Kit











anastasia Contour Kit 
.
انستازيا كونتور كيت 
.
من كنتور الباودر المفضله عنددي عباره عن ٦ باودرات ٣ للهايلات و٣ للكنتور .
.
الكونتور واحد جاي على رمادي و اثنين رايحين للبني و الاحمرار شويه . 
ثباتهم متوسط الوانهم على الوجه ما تجيكي سوده مره بالعكس يجي شويه برونزي محمر ثباتهم متوسط تحسي لو حطيتي كميه كثيره مع الوقت اتأكدي انو بيخخخف . 
.
الهايلات واحد للإضاءة ٢ باودر وحده صفرا و الثانيه بنكي فاتتتحه . 
الإضاءة ما احب استعملها ابدا ما احس انها تبين مره و لونها بنك شويه ما احبها ، الباودر الصفرا شويه تكتل عليكي يعني احلى شي الكونتور مره افضلو و كمان الباودر البنك تقدري تستعمليها في النهاية و تدمجي بيها . 



Wednesday, 26 August 2015

ريفيو : روج اوفيس / review: office lipstick




  Office lipstick


روج اوفيس سعروا ٣٥ من الارواج الرخيصة الثابتة * ضد الموية*لونو مره حلو هوا سائل و بعد شويتين يصير مات بس انو جدا فاتح و من عيبو انو ينشف الشفايف بشكل مو طبيعي يعني دا بس وانا اصور و خلاص كرهت نفسي شفايفي حاستها بتتقطع و على طول مسحتو بس من ارواجي الي ما استغنى عنها كيف ؟؟ 


زي ما قلتلكم هوا مره فاتح فأنا دايما ما احطو اول طبقة احط اول شي محدد لونو احمر  و اطفيه ببني شويه و بعدها احط من دا الروج فوقهم .

يسير ثبات للروج و الشفايف ما تنشف داك النشفان الي يبكي بالعكس يسير عادي و مريح واللون يجي زابط بس هيا دي الطريقة الي استعملها عشان ما تنشف شفايفي .



Follow me on instagram : RenadBeauty

ريفيو : كونسيلر فل كفر من ميك اب فور ايفير ضد الموية / Review : Makeupforever full cover concealer waterproof



Makeup forever full cover concealer 

كونسيلر فل كڤر من ميك اب فور ايفر *ضد الموية*

اول ما تحطيه يقلب على بودره ينشف بسرعه يعني لازم التعامل معاه سريع ثباتو مره مره كويس يجلس معاكي تسبحي و تطلعي و زي ما هوا ما استغنى عنو .

بس انتبهي تحطيه على وجهك كامل يادوب على الحبه او الاثر الي تبي تخفيه عشان مره يبين المسامات و يخلي بشرتك مهي صافيه و لو كانت جافه بيسير اسوأ بس استعمليه تحت العين وامورك بتكون تمام .

حجمو صغير بس فيه بركه طوول معايا لاني ما استعملو كتير ولمن استعملو نقطه بس تكفيني افضل اني استخموا لمن اتعرض لمويه يعني سباحه وكمان في الصيف في الحر والشمس الي تخلي المكياج ينشفط ويختفي خصوصا فترة شهر اوقست الي هيا دحين ومضطرين نخرج الصبح للجامعه حر مو طبيعي فأنصحك بيه  وعاد ثبتيه بببودره .

سعره بحدود 160 ريال



Follow me on instagram : RenadBeauty







Tuesday, 25 August 2015

ريفيو : كونسيلر نارز لتغطية الهالات / review : NARS consealer in custard






NARS consealer in custard 

كونسيلر نارز درجة كاسترد 

عالي التغطية بس نتقه منو تكفيكي يخفي الهالات و ثباتو حلو يجلس من 6 لي  7 ساعات سهل التعامل معاه يعني يندمج معاكي بسرعه خفيف ما تحسيه شي ثقيل تحت عينك و ما يخطط جد خيال وكمان فيه ترطيب بس ضروري من الترطييب قبلها اكيد ودي الدرجة كمان تعملك اضاءة اسفل عينك 

وهنا كل الدرجات منو 



سواتش للدرجات 




بس عيبو انو مو متوفر عندنا هنا في السعوديه سعرو ب ٢٩ دولار

انصح بيه و بقوة 






Monday, 24 August 2015

ريفيو : كونسيلر مايبيلين انستنت ايج ريوايند / Review: Maybelline Instant age rewind concealer




Maybelline age rewind concealer
.
كنسيلر مايبيلين مره مره حلوو من جد احسو البديل الخفيف عن كريولاين الي سهل التعامل معاه ، الي عندها كريولاين و تحس انو تقيل و ما عرفت تتعامل معاه مايبيلييييين مره حيناسبك سهل الدمج وكمان سائل يتوزع بسرعه استعاملو كإضاءة يجننن و يعتبر مره ارخص من كريولان يعني بديل مناسب و كمان اللون الاصفر حقو مره اهدئ من حق كريولاين انصح بيه و بقوه و عن تجربة 


الهالات خفيف ما راح يخفيلك هيا للعندها هالات مره فأنا افضل انو انتي تخفي هالاتك بكنسيلرك و بعدها تستخدميه كأضاءة يعني الوانو فاتحه 

 ولو عندك هالات وسط الى خفيييف ممكن تستخدمي اللون الغامق الي يناسب لبشرتك و بعدها تستخدمي الفاتح و تفتحي المنطقه بيه


وهنا الدرجات كلها 



وهنا السواتش للدرجتين الي عندي Medium وNeultralizer










فمن وجهة نظري اشوفو للإضاءة فنان 

من استعمالاته كمان لو عندك كنسيلر كريمي ثقيل زي مثلا حق ماك استديو فينش الي في الصوره،  تخلطيهم مع بعض و تحطيهم يسير كدا خففلك هوا وسار يمشي معاكي بطريقه سهله . 




سواتش ما بين اللون Neultralizer الاصفر من مايبيلين  والاصفر الي من عجلة كريولان




واضح معاكم انو صفار كريولان مره بزياده اما مايبيلين اهدأ بكتير فحبيت  دا الشي فيه واعتبرتها ميزه لانو مرات نحتاج اضاءة تحت عيننا وما نبغاها تكون مرره اوفر انو نور مناسب جددا وينفع استخدام يومي اما كريولان في المناسبات عشانو ثقيل .



طبعا انصح بيه و راح ارجع اشتري منو اكيد سعرو من ٦٠ لي ٧٠ تلاقوه عند التاجرات لانو مو متوفر في المحلات الي في السعودية .



 .Follow me on instagram : @RenadBeauty




Sunday, 9 August 2015

ريفيو : عجلة كريولان للكنتور /Review : kryolan contour




كريولاين 

طبعا دا #المنتج كلنا عارفين قد ايش هوا جامد المدح عليه كثير ، 1/ وانا حابه اقولك لو انتي عندك جلسة #تصوير و تبغي وجهك يطلع زي المرايا ؟ استخدميه فنان , ٢/ عندك مناسبة كبيرة #فرح استخدميه لانو تغطيتو جدا عاليه من اول طبقه يعملك #تغطيه  و الي تعاني من #حبوب وتصبغات راح يغطي لها و عن #تجربة في كل الي قلتو . 

الي حاسه استعاملو صعب لازم لازم #بيوتي بلندر لو انحط في وجهك كثير بلليها و اجلسي طبطبي كل وجهك راح تخف طبقه طبقة لين ما تحسي انو كدا #اوكي . 


طبعا لو دحين نجي و نشوف ايش حصل لعجلة كريولان معايا , اللون الاصفر الفاتح انحفففر دليل انو بطل و اللون البني الفاتح كمان انحفرر عشان استعملو اول ككنسيلر وبعدها اللون الفاتح كإضاءه , يفتح منطقة تحت العين وتسير فيها نور،
بالنهاية ارجع اشتريه ؟  طبعا ما استغنى عنو وحرجع اشتريه ثاني سعرو بــ 160 ريال .

ولقيت بديل مناسب رائع يحل مكان اللون الفاتح و راح انزلوا في بوست قادم و اتكلم عنو 

اللي هوا كونسيلر مايبيلين ايج انستنت ريوايند .



 .Follow me on instagram : @RenadBeauty